Back Image

- Download කිරීම සදහා Email එක Type කර Submit Click කරන්න -

Rathriya Vee Nihandawa - රාත්‍රිය වී නිහඬව නිසලව - Deepika Priyadarshani


රාත්‍රිය වී නිහඬව නිසලව ඉන්නම්
බියද දැනේ දුකද දැනේ
රුදුරු උනේ ඇයි හිමි සඳුනේ
රාත්‍රිය වී නිහඬව නිසලව ඉන්නම්

පතා පැමිණි සුර පුරවර
වෙලා ගැණුනි ඝණ කළුවර
දෑස පුරා දුටු සිනා කවට කෙළි
කඳුළු කතාවක කෙළවර
අසන් හිමියනේ
කාට කියන්නද මේ දුක
ඔබ හැර...

කළා සොලොස පිරි පුර හඳ
අතැර ගොසිනි සිය පිය බඳ
එදා ‍දෙඩූ මුදු වදන් අසන්නට
බලා හිඳී සිත පිළිසිඳ
අසන් හිමියනේ
කාට කියන්නද මේ දුක
ඔබ හැර...
පද රචනය - සුනිල් ආර් ගමගේ
සංගීතය - ආචාර්ය රෝහණ වීරසිංහ
ගායනය - විශාරද දීපිකා ප්‍රියදර්ශනී පීරිස්



Kavikariye - කවිකාරියේ සිංදු කියනා ළඳේ - Keerthi Pasquel


කවිකාරියේ 
සිංදු කියනා ළඳේ
නුඹදෝ රැහේ කෝකිලා
මගෙ පාඩුවේ 
යන්ට යනවා ඔහේ 
අනේ ස්වාමී 
හැන්දෑ වෙලා... //

දෙකනේ රිදී තෝඩු ලා 
නළලේ කොකුම් පාට ලා 
වීණා වයා තාලෙටා 
කවි ගී අසා ආවේ මා 

වීණා වයා කවි ගී ගයා 
අපි යන්නේ රුපියල් සොයා 

කවිකාරියේ 
සිංදු කියනා ළඳේ
නුඹදෝ රැහේ කෝකිලා
මගෙ පාඩුවේ 
යන්ට යනවා ඔහේ 
අනේ ස්වාමී 
හැන්දෑ වෙලා

හිඟමන් නොයා මාවතේ 
මහදේ රැ‍ඳෙන් රූපිකා 
සසරේ ගෙනා ආදරේ 
අඳුරයි ඔබේ දෝතටා

දෙවි සාමිනේ මංදා අනේ 
සිත මාගේ චංචල වෙලා

කවිකාරියේ 
සිංදු කියනා ළඳේ
නුඹදෝ රැහේ කෝකිලා
මගෙ පාඩුවේ 
යන්ට යනවා ඔහේ 
අනේ ස්වාමී 
හැන්දෑ වෙලා... //
ගායනය - කීර්ති පැස්කුවෙල්, ධම්මිකා බණ්ඩාර
සංගීතය - මහින්ද බණ්ඩාර
ගී පද - සමන් චන්ද්‍රනාත් වීරසිංහ


Obatai Me Aradana - ඔබටයි මේ ආරාධනා - Rohana Bogoda


ඔබටයි මේ ආරාධනා
ඔබටයි මේ ආයාචනා...//

හිරු සඳු ඇති තුරා
සසර වසනා තුරා
ඉන්න බැහැ තරහා වෙලා

ඔබටයි මේ ආරාධනා
ඔබටයි මේ ආරාධනා

පෑව සෙනේ අමනාපෙ නිසා
මෝදු වෙලා තිබුනාට වඩා...//

සිත සැනසුන් සාදනා
ඔබේ හසරැල් මට වාසනා...//

ඔබටයි මේ ආරාධනා
ඔබටයි මේ ආයාචනා

තරහා උනත් දෙදෙනා ඊයේ
තරහ නොවෙමු කිසිදා අයේ...//

යළි නොමයේ වේදනා
ඔබේ හසරැල් මට වාසනා
ගායනය - රොහන බෝගොඩ
ගී පද - දෙල්තොට චන්ද්‍රපාල මහතා 

සංගීතය - සරත් ද අල්විස් මහතා



Diviyama Wage ( Thaththa) - දිවියම වාගේ දියකර - Chamara Weerasinghe


දිවියම වාගේ දියකර ප්‍රාණේ
දුකසේ දිවි ගෙවන්නේ කොහොමැයි
මේ මනු ලෝකේ සුරිදුනි මාගේ
දෙවියොත් මගෙ ආදර තාත්තයි...

පපු ගැබිනා දරු පෙමිනා උතුරණ තාත්තා
බිම වැටිලා වඳිනෙමි මා මගෙ බුදු තාත්තා...

දිව රෑ දෙකේ වෙලිලා දුකේ
සැනසීම දන් දී ඔබේ
දරුවන් නිසා විඳිනා සොවේ
දෙවියන් ද පුදුමෙන් සැලේ
මේ සංසාරේ පිං වැස්සාවේ
වඳිමී සැමදා රජුනේ...

පපු ගැබිනා දරු පෙමිනා උතුරණ තාත්තා
බිම වැටිලා වඳිනෙමි මා මගෙ බුදු තාත්තා...

සිතුසේ නොබී සිතුසේ නොකා
දරුවන්ට දුන්නා සුවේ
බෝසත් ගුණේ පුරනා නිසා
නිවනින්ම සැනසුම් ලැබේ
මේ සංසාරේ පිං වැස්සාවේ
වඳිමී සැමදා රජුනේ...
පද රචනය - ශෙහාන් ගලහිටියාව
සංගීතය - ප්‍රියන්ත නාවලගේ
ගායනය - චාමර වීරසිංහ



Appachchi (Siyak Ulpath) - සියක් උල්පත් - Kasun Kalhara


සියක් උල්පත් මවා දී
නිසලවම හිඳිනා
නමක් නැති මහ කන්ද ඔබ
අප්පච්චී...

ඔබෙන් දිය ලැබ සාර වූ
තුරුණු කෙත් වතු දෙස බලා
නොපෙනෙනා තරමින් සිනා සී
නිසලවම හිඳිනා
අප්පච්චී...

මෙහෙවරට ආවැයි සිතා
වෙහෙස නොබලා වෙහෙසෙනා
තෙත් ගුණය මෙත් ගුණය සඟවා
අකම්පිත වත පා
අප්පච්චී...
පද - ජයතිලක කම්මැල්ලවීර
සංගීතය - කසුන් කල්හාර
ගායනය - කසුන් කල්හාර